الرئيسية
Aziz Sancar adına Qida təhlükəsizliyi laboratoriyası

Aziz Sancar adına Qida təhlükəsizliyi laboratoriyası

Aziz Sancar adına Qida təhlükəsizliyi laboratoriyası UNEC-in Elmi Şurasının 21 may 2018-ci il tarixli iclasının Qərarına əsasən yaranmışdır.
Laboratoriyanın 6 dekabr 2021-cil tarixində UNEC-də kimya üzrə Nobel mükafatı laureatı, professor Aziz Sancar tərəfindən açılışı olmuşdur. Müasir texnologiyalarla və avadanlıqlarla təchiz olunan laboratoriya mühəndislik və tətbiqi elmlər kafedrasının nəzdində fəaliyyət göstərir.

Laboratoriyada peşəkar gənc tədqiqatçı və müəllim heyəti ilə bakalavriat və magistiratura səviyyəsindəki tələbələrə təlim və tədris planına uyğun olaraq elmi-praktiki araşdırmalar, tədqiqatlar və ekspertizalar aparılır, bitki və heyvan mənşəli qida məhsullarının müvafiq keyfiyyət standartlarına görə texniki kimyəvi nəzarəti, eləcə də təhlükəsizliyi araşdırılır.