Layihə və qrantlar

Azərbaycan Dövlət İqtisad Universiteti dünya elm məkanına aktiv inteqrasiya olunan tədqiqat universitetidir.

Elmi tədqiqatların qrant əsasında maliyyələşməsi

UNEC rektorunun 06 mart 2025-ci il tarixli 90/1/2025 nömrəli əmri ilə 2025-ci təqvim ili üçün elan olunmuş III Daxili Qrant Müsabiqəsinin nəticələri elan olunmuşdur. Eyni zamanda Azərbaycan Dövlət İqtisad Universiteti (UNEC) və “BP Exploreyşn (Kaspian Si) Limited” şirkəti arasında 12.03.2025-ci il tarixində QRANT MÜQAVİLƏSİ

*
№ CW338155 bağlanmışdır. Qrant müqaviləsinin ümumi dəyəri 196,000 azn (bir yüz doxsan altı min Azərbaycan manatı) təşkil edir. Qrant layihəsi üzrə maliyyələşmənin tam həcmdə və “BP Exploreyşn (Kaspian Si) Limited” şirkəti tərəfindən həyata keçiriləcəkdir.

2022-ci ildən həyata keçirilən qrant müsabiqəsi ölkədə universitet vəsaiti hesabına həyata keçirilən ilk təcrübədir. UNEC-in tətbiq etdiyi bu model elmin təşviqi, tədqiqat mühitinin gücləndirilməsi və innovativ ideyaların dəstəklənməsi baxımından xüsusi əhəmiyyət daşıyır.

Bu təşəbbüs universitetdə elmi tədqiqatların maliyyələşdirilməsində yeni yanaşma formalaşdırmaqla yanaşı, UNEC-in tədqiqat yönümlü ali məktəb modelinə keçidi istiqamətində atılan mühüm addımlardan biri hesab edilir. Müsabiqəyə təqdim olunan 20-dən çox layihə arasından 6 ən innovativ və tətbiqyönlü layihə qalib seçilib.